Cesare Aquilini
*********************
Vecc Navili
El nost Milan vecc
che incoeu el se ved pù
se troeuva in di archivi
muffii come i penser.
De tant in tant se scoeuden
ricord fotografaa,
rughen in la coscienza
e in de la nostalgia
per quell che a Milan gh'era
e adess l'è spazzaa via.
On brao giomal nostran
l'ha ristampaa i ricòrd
con bella esposizion.
Ricòrd di vecc navili,
strada di barcon.
I spond con la scaletta
e i prèi di lavandee,
barconi con la lègna
o carta de stampà.
La gesa de San Cristòfen
col pontisel arent
per gent de l'altra riva,
quèili hinn anmò lì.
Rodoni del molin
e ciusa de San March.
El pont Viscont Modron
ornaa dai sirenett,
ciusa Santa Sofia,
navili in via Senato.
La serie la finis
con l'omm col bilancin
pescà in de l'acqua ciara
che anlee adess gh'è pù.
da: SCIROEU de MILAN
...
|
|
|
|
|
|
|
|
|
Go to begin of the document
Go to previous page
Go to next page
Go to the end of document
