Nino Pizzoccheri
da: SCIROEU de MILAN
LA MIA PRIMAVERA
On spaventapasser vestii de strasc
in mezz a on camp de forment
l'è content anca lù,
el dà a traa al vent
el donda i brasc
I rondin, matt de felicitaa,
sgoratten in del ciel
de chì e de là
Che bella primavera!
Torna on'illusion de giovinezza,
on brivid d'amor,
de poesia, ona dolcezza
che la me slarga el coeur
e a mì me par de corr,
de corr insemma al vent,
de rid e de cantà
de brascià sù la gent,
de basà chi el me voeur ben.
Mi son nassuu col sô de Marz,
Soo nò come ma el vent de primavera
el m'ha menaa bon, el m'ha scorlii,
per vess vesin con l'anima sincera
ai creatur men fortunaa de mì.
El ricòrd tegnuu viv,
ricev on soris, ona parola bonna,
incontrà ogni tant ona cara personna
l'è quell che ognun el spera,
la compagnia e l'amor, on'amicizia vera
l'è el regall pussee bell
che fa piasè ottegnì
in on dì de primavera.
...
|
|
|
|
|
|
|
|
|
Go to begin of the document
Go to previous page
Go to next page
Go to the end of document
