Quelques vers
de
Monsieur de Voiture
~~~~
STANCES
ESCRITES SVR DES TABLETTES.
Voicy mon amour sur la touche :
Iugez s''il marque nettement,
Et si sa pointe se rebouche,
Dans la peine et dans le tourment.
Mais en l''estat où ie me treuue,
Qu''est-il besoin de cette preuue,
Pour vous montrer que ma langueur
Et que ma constance est extréme?
Ne le sçauez-vous pas vous-mesme
Si vous m''auez touché le coeur?
Ie croirois auoir trop d''amour,
Et de vous estre trop fidelle,
Si vous n''estiez qu''vn peu plus belle,
Que l''Astre qui donne le iour.
Mais puisque le reste du monde,
N''a rien de beau qui vous seconde ;
Et que tout cede au Dieu vainqueur
Que vostre bel oeil emprisonne,
Il ne faut pas que ie m''estonne,
Si vous m''auez touché le coeur.
Vous ne sçauriez douter de moy,
Ni de la peine que i''endure,
Pour seruir vne ame trop dure :
Car la touche vous en fait foy.
Sans estre donc plus recherchée,
Souffrez aussi d''estre touchée,
Et despoüillez cette rigueur,
Qui rend vostre beauté farouche.
Ie vous puis bien toucher la bouche,
Si vous m''auez touché le coeur.
STANCES
ESCRITES DE LA MAIN GAVCHE
sur vn feüillet des mesmes Tablettes,
qui regardoit vn miroir mis au
dedans de la couuerture.
Qvand ie me plaindrois nuit et iour
De la cruauté de mes peines,
Et quand du pur sang de mes veines
Ie vous escrirois mon amour :
Si vous ne voyez, à l''instant,
Le bel objet qui l''a fait naistre,
Vous ne le pourrez reconnoistre,
Ni croire que ie souffre tant.
En vos yeux, mieux qu''en mes escris
Vous verrez l''ardeur de mon ame,
Et les rayons de cette flame
Dont pour vous ie me trouve espris.
Vos beautez vous le feront voir,
Bien mieux que ie ne le ...
|
|
|
|
|
|
|
|
|
Go to begin of the document
Go to previous page
Go to next page
Go to the end of document
