Delio Tessa
El cavall de bara
*****************
Andà a torna per Milan
a cert'or, l'è on testament!
car, vicciur, on rabadán
de tramvaj, gent sora gent,
rebuttònen, pesten caj,
«aj! ch'el guarda in dove al và!
se te gh'ee de traversà,
no te disi, poeu: l'è on guaj!
Mi che son già de natura
spauresg e, minga assee,
son tobís anca, segura!
guardi innanz, de part, de dree,
slonghi el còll de ch' e de là
come i ors in di gabbiòtt,
disi on pàter e poeu...sòtt!
ciappi el slanz e me troo là
giusta quand, se la ven fada,
me ven contra on cariagg
automobilò de volada...
- aj, aj, aj! - Gesù, che scagg!
salta indree!... ghe giughi el coo
che foo rid i capellón!
Benedett qui pantalon
che se cascen nanca on poo
e scarlighen via quiett...
quand mì, in scambi, fioeuj! de tratt
in tratt, ciappi sù on scaggett
che me fa andà via el latt!
...e ghe n'è de sti pán pòss
che se tiren mai de banda
e s'impipen de l'Olanda,
che ghe pòden borlà adòss
i colònn de San Lorenz
e no fan on pass in là
per esempi, quell melenz
d'on mè amis, quell mostafà
in poltròna d'on Antòni
Galbarin l'è vun de quist,
sissignor! e ier n'oo vist
giusta on olter; on demòni
d'on cavall de bara! gh'è
nò de rid, perché anca i besti
gh'han el sò carater...gh'è
qui cattiv: «guai se me intesti,
lassemm stà, tiri pesciad!»;
gh'è qui pòver turlurù
che se lassen pestà sù,
pamposson né frecc né cald,
ma zucconi, cristianin!
come quell cavàll de bàra
che passava in via Turin.
«Tutt sta gent la gh'a magara
pressa, ...
|
|
|
|
|
|
|
|
|
Go to begin of the document
Go to previous page
Go to next page
Go to the end of document
