Alarico Zeni
El ferree
************
Veggia fusina
negra de carisna,
bancon rustich
brasera in d'on canton.
Sott al piccà del maj
ferr ross foghent,
strengiù da man sicur
già 'l ciappa forma.
Volen 'me stell
milla lugher intorna.
Mattina...
ferr mucciaa e senza vita,
al tramontà del sô
zapp, vang, badii:
el laorà
d'ona giornada pienna.
Se smorza el foeugh
adess tuscoss se ferma,
settaa sora on sgabell
el nos ferree,
el pizza mezz toscan
el bev on caliz,
l'è stracch
el sara i oeucc e se riposa.
Sparis dedree di scimm
pian pian el sô,
ma on ultim ragg
s'ciariss 'dess la giornada,
se derva on uss
...Papà...se fa merenda,
des fioeu derven on coeur
...cala la sera!
...
|
|
|
|
|
|
|
|
|
Go to begin of the document
Go to previous page
Go to next page
Go to the end of document
