Giovanni Battista Mandelli
I barcon del Navili
**************************
Quand rivava on barcon
no se podeva a men
de fermass a vardall
a passà i pont,
a fermass a la conca...
Se saren i porton; l'acqua la cress,
la riva al livel giust, riva 'l barcon,
poeu l'acqua la sbottis de l'us'cera de sott.
Anca 'l barcon el se sbassa, e 'l passa via
come in trionf, con l'omm che, per guidall,
el brascia sù la stanga del timon.
L'acqua la va pianin, quietta quietta;
la ghe porta la vos di sirenett,
e de magg, 'na quai volta,
on profumin de glicina,
de quella sperlusciada 'me 'na matta,
del giardin di Viscont
che de la balaustra
la se speggia in de l'acqua
de front a via Passion.
«Varda che meraviglia! Che bell quader!»
Inscì la mia pinina se, a brazzett,
se passava de lì... e la gh'aveva reson!
Quadrett inscì mai bèll.
de alora n'hoo pù vist in sto Milan
...
|
|
|
|
|
|
|
|
|
Go to begin of the document
Go to previous page
Go to next page
Go to the end of document
