Giovanni Ventura
La donna
*****************
Benedetta - la donnetta
tutta amor per el marì,
che la cred - in bona fed,
senza mai trovà de dì!
Benedetta - la donnetta
tutta coeur per la soa cà,
che la tend - ai sò faccend,
senza cred de lavora!
Per on omm l'è on gran confort
ona donna de sta sort!
No gh'è or - per sto tesor!
L'è on regall che fa 'l Signor!
Ma la donna - brontolonna,
la bigotta, la sabetta,
la gelosa - l'ambiziosa...
Maladetta!...Maladetta!...
L'omm pù trist, - rispett a quist,
l'è ona pasta de bombon!
Anzi quist - fan vegnì trist
finna l'omm el pussee bon!
Guardee ben! L'è mej la mort
che ona donna de sta sort!
In sto foss - pien de dolor,
l'è 'l pù gross - che dà 'l Signor!
...
|
|
|
|
|
|
|
|
|
Go to begin of the document
Go to previous page
Go to next page
Go to the end of document
