Gianbassi
L'autun l'è chì
****************
Pioeuv, stamattinna
Dal ciel ven giò un acquetta finna finna...
Par che la bagna nò,
Ma la se sent, però!
Gh'è in aria l'odorin
De l'"Olea fragrans" che gh'è giò in giardin...
E pensi, on poo smorfiaa
Gh'è già finii on estaa
Coi sò bei dì, che mì, come on bagaj
Hoo tant specciaa, ma che rivaven mai!
Adess l'Autun l'è chì
Se sbassa, a pòcch a pòcch el ciar del dì
Deventen smòrt i fior
Che naspaven la vista coi color,
Resisten per on poo,
Poeu inesorabilment pieghen el cô.
Mollen i foeuj passii
I vecc piantonn, ch'hinn come intiseghii
E se indormenten finna a primavera
Quand teveda la torna l'atmosfera.
Gh'è già in la tòppia l'uga madurada
De fà la vendembiada:
D'òr hinn i loeuv madur de formenton...
Se sara la stagion
coi nos, coi figh, coi per, cont la pommella
Che la tira golos domà a vedella
E a mantegnì on impegn
Gh'è i rizz, de dove croden i castegn.
Tutt l'è silenzi, se sent pù nagòtt.
E in de la passerera
Se sent i usei cippì fin ch l'è sera,
Riven i primm dolor:
La fevera, la toss, el raffreddor
E, quell ch'el ghe teen pròpri a sforaggiass
El corr a pagà i tass.
Ma, el colmo d'ogni affan
L'è che l'è el temp che mì compissi i ann!
...
|
|
|
|
|
|
|
|
|
Go to begin of the document
Go to previous page
Go to next page
Go to the end of document
