Autore: Fedro Titolo: OVIS, CANIS ET LUPUS This text will be replaced Source: www.logoslibrary.eu Subject: POETRY (811)
FEDRO Ovis, canis et lupus Solent mendaces luere poenas malefici. Calumniator ab ove cum peteret canis, quem commendasse panem se contenderet, lupus, citatus testis, non unum modo deberi dixit, verum adfirmavit decem. Ovis, damnata falso testimonio, quod non debebat, solvit. Post paucos dies bidens iacentem in fovea prospexit lupum. 'Haec' inquit 'merces fraudis a superis datur '.