ERMANNO ROVATTI
<<<<>>>>
BRISLÈINI
<<<< >>>>
«Avertèinza , Preméssa o Prefaziòun»,
l'è acsè ch'i tàchen tótt i lébb'r éd ghégna.
E alóra, per a-n n'éser mè da méno,
a farò anca mè la mê
INTRODUZIÒUN
e a dirò che:
Chè dèinter a gh è dé tótt,
a gh è la pròsa e a gh è la poesìa,
al dialàtt, l'italiàn
e tótt e dû mis'cê.
Tótta sta ròba sèimp'r a-i-ho zerchê
éd presentèrla col cór in alegrìa
e, se dél vòlti a m'in sun scurdê,
la fó cólpa dal chès e brisa mia.
ooo0000ooo
Al GRANÈR
In una vecchia soffitta abbandonata,
sàtta a l'altana d'un antìgh palàz,
codesta rima rinvenni impolverata,
in mèz a 'na gran móccia ed scartafàz.
Mi soffermai allora a meditare
cusa duvìv-i-a fèr de stê pridòun,
poich'era giocoforza liberare
tótt al granèr da pólvra e cunfusiòun.
Pensa e ripensa, trovai la soluzione:
"Del rémi a gh n'ho ormai a badalóch,
dunque, senza rimpianti o esitazione,
quàsta a la càz in dal bidòun dal rósch".
Ma poi mi dissi: "E se opra facessi da grand'uomo
e a la dunéssa, acsè.... per sbarazèr,
chi mai saprebbe che codesto tomo
a n'al turév nisùn, gnànch al strazèr.
Così che adesso, con malcelato orgoglio,
l'è pròpia a vò ch'al pèins ed regalèr,
contento del gran bene che vi voglio,
ma piò che èter d'avér pulî al granèr.
ooo0000ooo
SAN IUSÈF
«Festa del babbo» al gìva incô al giornèl.
e l'éra ripetû in dal lunàri,
acsè a-m spetèva ch'i-m regaléssen quèl...
'sa sò-i-a mè,....'na vélla o 'na Ferrari.
Pò a-i-ho pensê: «Col tàsi da paghèr
a sun sicùr ch'a finirò in bulàtta»
e a-i-ho cunclùs ch'a-m psìva cuntintèr
s'i m'avéssen dunê 'na biciclàtta.
Bèin mo' al cherdì-v ? Fra tótt ...
|
|
|
|
|
|