Alanu Di MEGLIO
Casata: Di MEGLIO
Nome: Alanu
Opere publicate
In a rivista literaria A Pian' d'Avretu, di l'associu "Embiu di Quinci"
Numeru 1-2-4-5-9-13-14-15
Strattu
I ZIZULI
Sittembri inzuccaratu. A paci tamanta di a statina sazia. A sciappa di u soli hè menu pisiva è più vicina di a carezza. Sittembri dulci è maturu cù u so silenziu sfilatu in tantu in tantu da u zinzulimu di l'apa girandulona. (...)
Partiamu à mansi ind'è l'orti à arrubbà, cù quidda brama zitta di fà ci scruchjà da qualchì ortulanu scemu. U veru piacè era di scappà ; di modu à pudè stalvà, sprupusitendu monda, issa prova tamanta di ziteddacci. (...)
Cunnoscia un locu di zizuli era quant'è cunnoscia l'arburu à frutti d'oru, u tesoru. Mai si palisava un locu di zizuli. Era sicretu tamantu. Insignà lu à un altru, era simbulu d'amicizia fidata. Era à chì sapia l'orti più piatti o persi duva toccu Uttrovi si cuddiani issi fruttuleddi russi, russicci com'è... Mbèh. Eu ùn a sapiu chì mezu Sittembri i zizuli sò sempri verdi...
A Pian' d'Avretu, aprile 1991
...
|
|
|
|
|
|
|
|
|
Go to begin of the document
Go to previous page
Go to next page
Go to the end of document
