Title: POESIE

Author:SPADARO GIUSEPPINA
Subject:POETRY
Source:
Download book:
Words Statistic:words statics
 

Number of words for page:
Giuseppina Spadaro

POESIE



************

INDICE:

- L'ALBIRU
- CANNALUVARI DU' ME' PAISI
- SICILIA AMATA
- SI NON SI' CUNTENTU
- 'U STHRITTU DI MESSINA
- LI PETRI PARRANU



*********************


L'ALBIRU

E' l'albiru prudigiu di natura ...
li radici vhi stannu sutt'a terra
e li rami chi 'nchiananu 'nto celu ...
Iddu porta li nidi di l'aceddi
e pi nui matura tanti frutti ...
Pi li cosi di casa dugna 'u lignu
e lu carbuni chi servi 'nto bisognu ...
Di la terra é gran binifatturi ...
e pi nui 'u criau lu Signuri ...
L'albiru é 'a vita di lu munnu
e non si stanca mai di fari beni ...
Ma l'omu ruinàu la natura
cu 'na cosa chi si chiama "nquinatura"
E l'albiru chi soffri 'stu turmentu
subbitu 'ssicca e piniannu mori ...


************


CANNALUVARI DU' ME' PAISI

Musica di chitarri
e mannulini
'ccumpagnavunu i maschiri
'nte sthradi ...
Eranu maschiri
cu vesti povireddi
racimulati 'n casa
'nto casciuni ...
I masculi
si vistivunu di fimmini
e i fimmini
si vistivunu di masculi ...
Quasuni vecchi
scialli di so' nonna ...
pezzi 'nta facci
cu du' purtusa
all'occhi ...
scappi 'i suddatu
bastuni a' 'mmani
'nguanti ' cuttuni ...
E tutti allura
eranu cuntenti
puru si 'ccera
picca di manciari ...
E 'ccera tanta festa
'nto paisi
e da' matina a sira
si sunava 'u tammureddu ...
Pi ottu jorna
si curria ... si cantava ...
si ballava ... si puisiava ...
e guerri comu oggi
non ci nn'era ...
l'omini disonesti
eranu rari
e a nuddu ci vinìa
lu pinseri
d'annari jennu jennu
pi rubbari ...
Caru cannaluvari
di 'na vota ...
'nta lu me' cori
ci sì sempri tu ...
e mi veni di ciànciri
pi tia
picchì oggi
non c'è
'cchiù puisìa ...


*******************


SICILIA AMATA

Sicilia bedda e amata
cantata e disprizzata ...
tu si la terra
di li cosi 'ntichi ...
tu tanti nomi avisti
'nta la storia
...
Page: 1
 

Help

  • Select one or more words an get availables translation in Logos Dictionary.
  • Set the number of words for each page an refresh the content.
  • Go to begin of the document
  • Go to previous page
  • Go to next page
  • Go to the end of document
  • Libri.it

    EDMONDO NEL SANTUARIO PER ANIMALIN. 225 MACÍAS PEREDO (2014-2024) MONOGRAFIADA SOLOTILÙ BLU NON VUOLE PIÙ IL CIUCCIO
  • Libri.it
  • Treccani