Puisii 'n Sicilianu
Poems in Sicilian
Poesias em Siciliano
Poesías en Siciliano
Poesies en Sicilià
Poesie in Siciliano
Siciliana
Si frisca comu acqua di surgenti
chi scinni truppicannu de vadduna.
Si comu l'Etna co so focu ardenti
chi unna passa lassa i so vasuna.
Occhi funnuti comu u mari i Trizza,
puma lucenti misi de masciddi;
a peddi liscia, fatta per carizza,
niviri e ncannulati li cappidi.
U purtamentu sempri beddu tisu
e la parrata tanta e malandrina;
i moosi to su tutti di bon pisu.
Chi nuddu ti do mettiri'n-vitrina.
Virennu a tia si viri u pararisu
e d'sta terra tu si la rigina.
U Surrisu
È signu d'amuri
e d'amicizia.
Non custa nenti
e vali tantu.
Dura un mumentu
e si ricorda sempri.
Nun si pô 'ccattari,
ma sulu dari.
Nuddu è 'ccussì pòviru
chi n' 'o pô dari.
Nuddu è tantu riccu
chi nni pô fari a menu.
'Rricchisci a cu' 'u ricivi
e puru a cu' lu dà.
Cu' dici chi non nn'havi bisognu
nun nni sapi dari.
A cu' non t'u sapi dari
daccillu tu.
'Ntâ fatica dû travàgghiu
porta curàggiu.
Porta â casa
filicità.
Amici cari
Finemmu finalmenti
di 'nchianare la trazzera
semu 'nta la cima
da muntagna
a rimirari beddi panurama:
lu Strittu a livanti
unni sciusciunu i venti
e l'isuli di Eulu a punenti
Ora strincemu i denti
cumincia la scinnuta petri petri,
versu lu vadduni
circannu di scanzari struppicanu.
A ripigghiari ciatu nunca sustamu.
Di tantu 'n tantu
'nta nu cupigghiuni unni arrustemu, ppi nostra dilizia
tajuni e sosizza
spruzzati di vinu e limuni,
cuntinuannu sazi e cuntenti
a scinniri sino o funnu
du vadduni:
ccà nni salutamu
ognunu nesci fora da vajna
e versu u suli, sulu s' incamina.
...
|
|
|
|
|
|
|
|
|
Go to begin of the document
Go to previous page
Go to next page
Go to the end of document
