Aldo Resio
da: SCIROEU de MILAN
GH'È SEMPER ONA SOLUZION
Roma imperial, squasi dòmil'ann fa
gh'ha 'vuu on eccezional imperador
che i monument, per podè conservà,
l'ha impienii la città de pissador!
Hinn passaa i ann e anca chì a Milan
on quaj milion l'è staa destinaa
per impiantà centen de Vespasian
per soddisfà certi necessità...
Poeu, chi le sa el perchè, adasi, adasi
cambiand fisionomia a la città
hinn diminuii de brutt, e squasi, squasi
se a vun ghe scappa se troeuva intrigaa
Pò semper andà al bar, bev on cicchett
e con l'aria, infesciada, tripilent:
"Me scusa, per piasè, el gabinett".
"In fond a destra,... doe gh'è la gent"!
Gent che par che balla, in moviment,
che string i gamb, opur la fiada fort
schisciand el venter, spetta'l sò moment
poeu quand le svoeuja trovarà confort
Quand l'è nott e i bar hinn saràa sù,
per i strad succed 'na roba strana,
la gent le fa quand ne pò propi pù
sul marciapè te lassen ona ariana.
Ma i milanes che hinn di bontempon
hann risòlt el problema pari, pari,
Hann miss di orelògg sora i palon
Hann impienii Milan de'or in ari'!!
...
|
|
|
|
|
|
|
|
|
Go to begin of the document
Go to previous page
Go to next page
Go to the end of document
