Sandro Sermenghi
L é l ónnic poêta (o povêta cum al dîs ló) sureèl ch'al scrîv in bulgnais, mo ai piès anc ed fèr dla lérrica in itagliàn e ed pastrucèr con däli ètri langv européi.
È l'unico poeta surreale a scrivere in bolognese, ma si diletta anche con la lirica italiana e con pastiche in altre lingue europee.
Made in Bulåggna
Ala rizairca d un pajais inuzänt
la lérrica la vinzarà!
Al piasair ed musghèr un limån a gróggn
acsé, cun la góssa,
o al piasair ed zughèr
a cunnilincto
o ed cavariolèr såtta äl strèl
una nòt qualséppa,
i én tótt quî che
quî ch'i s cràdden ed stèr
in èlt
i s vrénn tôr vî, i s vrénn pruibîr,
sangv ed bisån!
Mo sti piasîr smisurè
sti piasîr incalcolâbil
a i vlän gôder, a i vlän
vîver, uuuuh!
uuuuuuh! sé a i vlän vîver
sé a i vlän gôder!
La nòstra guèra dé par dé
åura pr åura minûd par minûd
cåntra i aduradûr dal dío bajòc
cåntra i incantadûr ed cusiänz
l'é inarestâbil inarestâbil
inarestâbil cme la lòta dal povêta
par la lérrica,
sangu'ed drèg!
Mo i pòpol i se dsdaràn e
i daràn un chèlz int al cûl
ai mistificadûr e...
La lérrica la vinzarà!
E a turnarän
a supièr in zîl un pessalèt
a èser amîg sinzêr
a salutèr un trêno ch'pâsa
a savurîr na puesî
a zughèr cun na pû ed pèza...
MADE IN CÀ!
...
|
|
|
|
|
|
|
|
|
Go to begin of the document
Go to previous page
Go to next page
Go to the end of document
