Giovanni Rajberti
18-22 Marzo 1848
*************************
...L'è staa de quel moment
Ch'è comenzaa ona guerra disperada
D'on popol disarmaa contra on'armada:
Roba che fa spavent!
I s'ciopp contra i baston,
I sass contra i cannon,
E ona cittadinanza sueffada
A tutti i comoditt,
E a scoeud tutti i petitt,
Moresina e pacifica de coeur,
Che tutta insemma salta sù in d'on tratt
A fa quell che Dio voeur.
Fieri come leon,
Svelti come legoratt,
E senza distinzion
De pitocch, sciori o nobil...
...Qui ludri de Croatt,
Inscì negher e brutt! mì me figuri
Che gh'abbien del scorbatt
Perchè hinn proppi usellasc del mal auguri.
Quand incontraven gent
Che ghe mostrava i dent
Sti carogn barbellaven e scappaven
Come i bagaj che tremma del bordoeu,
E presoner piangeven, supplicaven:
Ma in sit foeura di pee,
Cont i vecc, cont i donn, cont i fioeu
N'han fa tant che sia assee.
N'han inciodaa paricc contra i muraj,
N'han ongiuu d'aqua rasa, e poeu brusaj,
Parecc bambin de tetta
I han portaa attorno su la bajonetta;
E a vun de sti Antecrist gh'han fin trovaa
In la giberna dò man delicaa
Con sù i anej inb dit... Oh, car Signor!
Hin mò fioeu de Pio Nono anch lor?
No! Freghégh giò 'l battesim a qui moster
Che gh'han in di viscer la maledizion,
Che no gh'entren nagott col Peter noster
I tigher, i leon,
I lôff rabbiaa de famm e idrofobia
In pari a lor hin fior de cortesia
...Ma i pover Milanes
in mezz al sò trionf, quanta bontaa!
Han renduu ben per maa:
Naturalment, se han liberaa 'l paes,
Han dovuu coppan giò nè tropp nè pocch;
Ma quand i Pattatocch
Ghe capitaven viv in di sò ...
|
|
|
|
|
|
|
|
|
Go to begin of the document
Go to previous page
Go to next page
Go to the end of document
