Antòni BIGOT
Florilègi (extrait)
establit per Joan JORNOT
****************
FRATERNITAT
Joine estranger, meis abilhatges
Son pas copats coma lei tieus.
Tei peus son longs, e ton visatge
Es pas de la color dau mieu;
Mai ton cur bat dins ta petrina
Pèr tot çò qu'es vrai, bon e grand,
Au mau solet vires l'esquina...
-- Siás mon frèra, tòca la man.
De qué cerques, palle sonjaire,
Acrochonit sus ton papièr ?
-- Dins lo bonur dei travalhaires
Mon idèa cava son lièch.
Posse ai ròdas pèr que chaca ora
Pòrte un pauc de jòia e de pan
A quau trima, patís e plora...
-- Siás mon frèra, tòca la man.
-- E tu, bon vièlh a barba grisa,
Sembla qu'aissejes, de qué vòs ?
-- Suvisse la lei de Moïse,
De crestians m'an romput de còps.
Se lei pèras an fach mau, m'estone
Qu'òm trague la pèira ais enfants:
Coma ieu, que Dieu lei perdone...
-- Siás mon frèra, tòca la man.
-- Ieu, dins nòstei deserts de sabla
La mièja-luna fai la lei.
Lo Bon Dieu, sota nòstei fablas,
Se mòstra un pauc ara, un pauc puèi.
Crese qu'aimar vau tot, sus terra,
Car òme roge, negre, blanc,
Sem leis enfants d'un mema Pèra...
-- Siás mon frèra, tòca la man.
-- Ieu dins ma man tene l'espasa,
Fau la guerra en aimant la paix
Ai pòbles qu'un tiran escrasa
Pòrte secors, me pause après.
Dessús ma tèsta ulhauça e tròna;
Ai pas paur, vau totjorn avan
S'un crit de libertat me sòna...
-- Siás mon frèra, tòca la man.
-- Ieu, pechaire ! ai una familha;
Entre pensaments e rambalhs,
Abarisse garçons e filhas,
Cur au ben e tèsta au travalh.
Lé dise: « Laissatz lei batèstas;
Ais uèlhs de Dieu, ren vau pas tant
Qu'un cur bon, una vida ...
|
|
|
|
|
|
|
|
|
Go to begin of the document
Go to previous page
Go to next page
Go to the end of document
