Eduardo Montagner Anguiano
Ferma, móndo, ferma!
*****************
"Ferma, móndo, ferma"
Tuto desfá. Sí, tuto desfá.
Àtu mai sentìo al strépito
che i fa i álberi a cájer dó?
Tuto sù ancora. Sí, tut' sù.
Atu mai visto come che 'sta aria qua
la despetenéa tut intórno?
Tut' an rídar. Tut' an vardar.
Vardarse col specio dei corpi nudi
intanto che la testa la è pi dalundi de tuti i dalundi.
Parlón mudi che mai pi. Tuto an che mai pi.
£e vache le móre na s-cianta, ma dopo le levará su,
le mulará e le rumigará ancora.
Tuto sior. Al móndo a l'è sior.
A l'è poaréto, ma l'è sior.
Vae in sérca ma no cate,
créde ma no créde,
me scature, ma ti...
te ridi, ma mi...
L' aqua la me tra par aria,
me néghe entro inte tanto tanta aria.
Ghe córe drio ai secundi,
ma luri i me rid' drio sguélti.
Lá che magnión tenpo inte i piat del gninsuloc,
a crepapansa, ma coi sculier dei mai pi.
Me ò tajá i déi co brìtole pericolóxe,
e ò savésto che paromai no vedéi na stala mai pi.
Ma l' udor dei cantuni i me à fat' tornar indrio,
e ades' la note la sa da gias', la sa da scarpa, la sa da scarp.
Néole base su par la testa,
pióva entro da le fardèle,
aria sóto i danoci,
cald' dapartut' intorno,
fréd' éntro inte i stivali de mólder.
Qualchedun al se posta par víver de pi àni,
e 'l se senta dó su inte 'n sas' che ghen' è arente,
al alsa su la facia par véder i arte pasar,
e 'l pianxe parché gnisuni sa che l'à rexon.
...
|
|
|
|
|
|
|
|
|
Go to begin of the document
Go to previous page
Go to next page
Go to the end of document
