PAQARIYPA WAQTAMPI
Suti umiñakunawan sumaqyasqa pata,
wayllunkaq sibada chakrapa
warpikuyninwan kanchasqa.
Mana tukuriq, mana qinchayuq, llaqtacha
kawsarikun ñataq ñataq,
wiñaypaq pukyumustin
lliwapa miskinpi.
Mullkani kuyanakuyta
chillkakunap sapinpa waqtanpi,
tánkar
kulliwan yuyapakuywan
qatakunankama.
Pacha paqariy kinrayninpi
llullu wasichakuna
wayrapi qillqakun,
pasñayñataq
michisqan uywankunawan
wichaymanta chaskikun
llipyaq muchakuyninta.
Pukawan anqas llimpim
kan paymanta urqupa walinkama,
tutamantap chiri uqarikuyninpiñataq
albirgas qimcharin
allqa tikankunawan
warma yanaypa pukllakachayninta.
...
|
|
|
|
|
|
|
|
|
Go to begin of the document
Go to previous page
Go to next page
Go to the end of document
