La monica dispirata
Sula sula ''ntra stu lettu
li nuttati aju a passari:
nuddu giuvini a stu petto
a mia tocca d''abbrazzari.
Sticchio miu rispittuseddu;
senza minchia ca ti strigghia!
sulu sulu un ghiditeddu
ca li labbra ti cattigghia;
pri tia certu cci vurria
un battagghiu di campana,
ca la forma pigghiria
di nna grossa minchia umana.
si pulito e graziusu,
nudda lingua mai t''allicca
nuddu cazzo impituusu
d''intra a tia mai si cc''inficca.
Quanti fimmini a stu munnu
cci su'' stati e ci sarannu,
ca minchiati ''ntra lu cunnu
nn''annu avuto e n''avirannu.
Ed iu sula ventu abbrazzu,
si mi votu e mi stinnicchiu,
mai non trovu nuddu cazzu
pri ficcallu ''ntra stu sticchiu:
cci nni sunni ''ntra quarteri
grossi minchi di surdati
ca ''ntra d''iddi lu darreri
si lu pigghiunu arraggiati.
''Ntra cunventi cci nni sunnu
beddi minchi rancitusi,
non avennu nuddu cunnu
si li minano oziusi:
''ntra campagni, rocci e margi,
cci su'' certi viddanuni,
ch''ànnu minchi ccu li jargi
peju assai di li stadduni.
E tu, stichhiu, li disii,
comu l''erva a marzu pioggia;
svinturatu lacrimii,
non c''è cazzu ca t''alloggia.
Minchia mia de stu miu cori,
''nzuccarata minchia mia!
stu me cori spinna e mori,
suffrirà senza di tia.
Fusti fatta ''ntra lu munnu
di na provvida natura,
pri ficcarti ''ntra lu cunnu
d''ogni nata criatura.
Quali fimmina po'' stari
senza sticchiu arriminatu?
Non è nenti lu mangiari,
pri cui futtiri ha gustatu.
Quanno poi futtiri s''avi,
pri pricettu di natura,
lu ''mpararu li nannavi,
si ni parra doppo un''ura.
Ma a chi servi stu riflessu
si lu cunnu stà in ruina?
Megghiu è assai l''umanu sessu
chi a lu ventu si la mina;
e ci senti lu piaciri
quannu è l''ura di jttari;
ma nna donna avi a muriri
ca non avi chi minari.
...
|
|
|
|
|
|
|
|
|
Go to begin of the document
Go to previous page
Go to next page
Go to the end of document
