Mario Scurati
Poesie
******************
TRISTEZZA
On mestee vecc, 'na vòlta faa de pòcch
cattaa foeura per scelta o per dispètt
incoeu el fan on sacch de tosanett
mettuu in strada da ligera e scròcch.
Settada....
sù 'na cadrega sgangherada
arent on monton de ruff
in strada...
Malinconia,
pitturada su la faccia
vita de can, tormentada
trada via.
Veludada,
pell noeuva de gioventù
color del ciccolatt
strasada
Sberlusissen
i sò oeucc, 'me lusnad
poeu se sbassen giò
se smorsen
Tuscòss
on còrp pien d'armonia
manca nagòtta, anzi si on...
quajcòss
Serenità
'na paròla desmentegada
lassada al sò paes
insema la cà
Sorris
tiraa foeura col rampin
hinn fadigh, ma fann trovà
amis.
Mes'ciòss de speranza e illusion
sparii in di piegh d'on lenzoeu
'me lugher, 'me sògn de fioeu
tristezza in del coeur e magon!
VOEUIA DE SCRIV
L'è on piasè sentì la voeuia
e la man che te purisna,
fà spegasc su on tòcch de carta
(strafojaa trovaa in saccòccia)
on quaicòss che bui de denter
ch'el tripilla a vegnì foeura
Quand te giren in de la crappa
on garbuj de penseritt
vann insema i sentiment
te capisset pù nagòtt
vun l'è gramm e l'alter mej
rusen, spongen 'me guggitt!
Chi le ciama poesia
chi spegasc come foo mì
l'important che sien tò
tutt el rest el cunta pòcch,
l'è on moment de ciappà in pressa
che a la vita dà savor
Sensazion meravigliosa
quand sortissen 'dasi adasi
da sta crappa on poo pelada
(che la fuma l'è buienta)
cruzzi, gioi e tribuleri
che fan sù 'n ingarbiada!
E scarliga via la pena
'me savon in man bagnaa
e paròll che volen via
'me parpaj boffaa dal vent
poeu se stampen delicaa
sù sto foeuj tutt risciaa
Brancad de freguj de ...
|
|
|
|
|
|
|
|
|
Go to begin of the document
Go to previous page
Go to next page
Go to the end of document
