Un pelegrinâg
Mî mujêr, la Gisèla, che, puvrâza,
la vrêv un fiôl ma l'à la dsgrâzia drî,
la dezidé, par vàdder ed fèr râza,
d andèr ala Madòna ed Båcca ed Rî...
"Andän pûr a fichèrs int äl såu brâza!"
mé a dégg, e a pâs parôla, da cla vî,
a una surèla d mî mujêr, ragâza,
parché ch'la véggna a tgnîres cunpagnî.
Ma chi s psêva insugnèr sta conclusiån?
O che, pregànd, la s é sbagliè Gisèla,
o ch'i n capénn - chisà - l'urdinaziån,
fatto sta che la grâzia l'é stè bèla
parché l é nèd davaira un bèl mastiån,
ma mégga a mî mujêr... a sô surèla!
...
|
|
|
|
|
|
|
|
|
Go to begin of the document
Go to previous page
Go to next page
Go to the end of document
