Luigi Cazzetta
Denanz al specc
***************
Se te gh'heet de vardamm o facciassa
chì denanz a travèrs de stoo specc?
Cala i ari, fa minga el ganàssa...
Chi sont mì? Giovinòtt inscì vècc?
Hinn i mè cavej bianch? Mè de bon
quii duu oeucc pizzigàa sòtt i lent
che a trii pass veden gnanca on palon?
De chì l'è quel mus guzz lì dent?
quella man che se moeuv e quell còll
con la pell che la par de pollìn
de ch' hinn quii
dò gamb on poo moll?
Citto, taas! Parla pù per piasè.
La tua vos la someja a la mia...
Se sont mì dimel minga, perchè
Mì son giovin!
Inscì l'è e inscì el SIA!
...
|
|
|
|
|
|
|
|
|
Go to begin of the document
Go to previous page
Go to next page
Go to the end of document
