Caterina Sangalli Bianchi
I tò pass
************************
Senti el tò pass...
"titich titach...
titich titach..."
ch'el gira per la cà;
el ven,
el va
e pur el soo
che l'è ona libertà
di mè penser.
Me par...de vedett lì
e che me bastaria
slongà on poo i brasc
per toccatt dent
e avegh la fed,
insemma a l'illusion,
che te see chì.
Hinn musica i tò pass,
firmada dal mè coeur,
ch'el voraria rispond
ma el se sconfond...
el doeur.
Poeu, vègni 'dree,
ridi ai mè paur
te brasci sù.
Adess ghe l'hoo la fed
de vess con tì.
L'è quasi nòtt,
venn scur...
l'è passaa svelt el dì.
"titich titach...
titich titach..."
e mì te corri adree
ma tì
te vee, te vee...
e devi contentass
de restà chì
a immaginà i tò pass.
...
|
|
|
|
|
|
|
|
|
Go to begin of the document
Go to previous page
Go to next page
Go to the end of document
