Pier Gildo Bianchi
La valisa
*******************
Treno in ritard:
faseva giamò scur
e piovisnava.
Soll, in mezz a la calca
da on para d'or,
sott a la pensilina
specciavi sui duu pee
che te rivavet.
Frecc in di oss, scighera
denanz ai oeucc
e tuff d'oli brusaa,
de carisna e de ruff.
Senza guant, i mè did
eren come de giazz
compagn di mè penser
e 'l nas el gottonava
de trombin guast.
Ma quand speravi pù,
l'è tornaa el sô
e 'l coeur s'è slargaa foeura
sul fà d'on fior
giapponés
pocciaa in acqua;
sul carrell di facchin
l'avevi vista,
la toa valisa.
...
|
|
|
|
|
|
|
|
|
Go to begin of the document
Go to previous page
Go to next page
Go to the end of document
