Carletto Pierotti
Ricord de la Valassina
**********************
Gesioeula, cont i copp color vin bon
desbirolaa, rianaa de teppa grima,
cocciada sora on dòss, dove i moron,
fan ombra a quell sentee che riva in scima:
son ritornaa a trovatt. Te see anmò quella:
Cont la toa passadora color crèma,
frusta e slisada 'me la gradisella
che nanca a rebugalla, la sta insèma...
Con quell òrghen mezz bols in cantoria,
col busseree tobis che le sonava,
coi cames strafojent in sacrestia
e i mantellinn tutt smont, color biedrava...
El sô che'l sferla dent in diagonal,
l'inlumina i ragner taccaa a l'altar:
la busiroeula del confessional
la sberlusiss 'me 'l specc d'on armoar...
El Crocefiss che pend da la navada,
el doeuggia i banch de sòtta, cajrolent,
el benediss la testa sperlusciada
de duu pinella e mì mezz magonent!
...
|
|
|
|
|
|
|
|
|
Go to begin of the document
Go to previous page
Go to next page
Go to the end of document
