Nino Rossi
La Montagna de San Sir
***********************
Pussee che on mont a l'è on monton de terra,
che la natura in verd la quattarà.
Inscì sarann sconduu i orror de guerra
e fra on quej ann nissun ricordarà
che quell che ciamom 'na montagna ormai
l'è fada de maceri e catanai,
de noster catanai, de nost casett,
che anca a tocchei, sortissen el so effett.
'Me te see bella in controlus stassera.
Te guardi e te me paret vera.
Te see costada lacrim e sospir,
tomba di noster cà, Montagna de San Sir.
Per mett insema tutta 'sta montagna,
gh'emm 'vuu bisogn de ingles e american.
Lor gh'hann miss tanti bomb e la vergogna,
nun, sporch de sangh, i tocch del nost Milan.
La guerra l'è finida, tucc amis.
Dimentichemm tuttcoss, vivemm in pas,
ma se combinazion ghe passi arent,
la mia casetta la me torna in ment.
...
|
|
|
|
|
|
|
|
|
Go to begin of the document
Go to previous page
Go to next page
Go to the end of document
