Fernando Panigoni
Autåur dla canzunatta famåusa "La râza bulgnaisa", al vinzé al secåund cuncåurs dla canzunatta bulgnaisa con "Còca mî" e al publiché un'antologî ed poesî ptrugnèna, che incû l'é esauré.
Autore della famosa canzone "La râza bulgnaisa", vinse il secondo concorso della canzone bolognese con "Còca mî" e pubblicò un'antologia di poesia petroniana oggi esaurita.
Prelûdi
Sti vêrs i én nèd al'ånbra däl "Dåu Tårr".
Mé, d in cà mî, a i vadd lé sti monumént,
e låur i m sénten quand a cant, o a dscårr,
quand a rédd, quand a brèv in zêrt mumént.
- Brîsa arabîrt, Panîga! - i m dîsen låur
- e canta, invêzi, cómm at canta al côr:
canta Bulåggna, äl bèli dòn, l amåur,
i bî tîp, äl maciàtt, i bî ténp d ôr...
T in è da dîr e da cantèr fén t vû:
ît, o n ît un poêta, in conclusiån? -
Mah! Chi al sà?... - a i arspånnd -; mo, a tu per tu,
mé a v pòs dîr såul ch'a sån bulgnais da bån,
ch'a m sént sinzeramänt inamurè
ed sta Bulgnâza vècia etêrna e bèla,
e a cant, per lî, col côr entusiasmè:
quasst a v pòs dîr ed zêrt, ch'an é un'ufèla.
...
|
|
|
|
|
|
|
|
|
Go to begin of the document
Go to previous page
Go to next page
Go to the end of document
