Ala cåddga
Am é sänper piasó d andèr zå d strè
par studièr zêrt anbiént e zêrt tipâz
e a capité una vôlta al varietè
ch'i dèven ala "Cåddga", un cinemâz
rinpé con al Pradèl e Predalè.
Al prémm nómmer al le fé un pajâz,
pó una cantanta con la våus sfiatè.
Da un panirén ch'la tgnêva såtta al brâz,
Cantànd "Fumo e profumo" la lanzé
di fiûr e un socuanti zigaràtt
al póbblic che, in delîri, al s litighé.
Tra al putifêri, int al vultèrm, a vdé
al mî arlói int äl man d un ragazlàtt.
- Csa fèl? - a i déss. E ló: - A guèrd ch'åur'é -
...
|
|
|
|
|
|
|
|
|
Go to begin of the document
Go to previous page
Go to next page
Go to the end of document
