LUCIANO SOMMA
CASTIELLAMARE
* * *
Se contano stasera 'e stelle 'ncielo
ma so' migliare 'e lluce 'mmiez''o mare
nun se danno cchiu' 'a voce 'e marenare
chisa' pecche',chisa' qual'e' 'o mistero...
Na vota se redeva 'ncopp''all'onna
ogge sta ggente tene 'a faccia scura
l'unica luce e' l'acqua d''a Madonna
e po' che resta? L'ombra d''a paura!
Nun sona cchiu' 'a sirena 'int''e cantiere
nun scenneno cchiu' 'nfunno 'e palummare
chiagneno 'e rrezze,fioche so' e' lampare,
ricco e' sultanto 'o funno 'e nu bicchiere...
Pero' Castiellammare e' nu splennore
l'avite vista maje chesta scugliera?
me pare cchiu' lucente quanno e' sera
'a guardo e sento palpita' stu core.
E' bella pure cu' sta faccia scura
ma nun dicite ch'e' na perla nera
riturnarra',chest'anema ce spera,
chella 'e na vota senza cchiu' paura.
...
|
|
|
|
|
|
|
|
|
Go to begin of the document
Go to previous page
Go to next page
Go to the end of document
