A le case minime
.o00o.
L'altro giorno a le case minime
i ga lassà libera 'na casa
e fin dale sinque de la matina
ghe gera gente che aspetava.
Ghe gera un pare de famegia
co quatro fioi da mantenir,
che da trent'ani vive in sofita
pien de sorsi, de aqua e de sporco.
Ghe gere un'altra infinità
co e careghe e i tavoini
che i spetava el momento bon
de romper la porta, e ocupar la casa.
I le ciama case co un bel coragio
perché de le case decenti e ga poco
la xe 'na stansa de quatro metri
co un gabineto de quei a la turca.
I le ciama case quei disgrassiai
che ga vissuo per ani da bestie,
che ga ciamà case e sofite,
i magaseni, i sotoscala.
I ga spetà chieti fin e nove
dopo a l'assalto, come pirati,
su par e finestre e dentro per le scale,
sta massa enorme di disperai.
Dopo do mesi da 'sta facenda
za lo savemo par esperienza,
vien senza ciacole la questura,
che li ciapa tuti e li sbate fora.
Canta Gualtiero bertelli, 1977.
...
|
|
|
|
|
|
|
|
|
Go to begin of the document
Go to previous page
Go to next page
Go to the end of document
