NOZZE E DOLI
Paoli di Taglio
Adecec 1990
Ste puesie d'Anton Battista Paoli (1858- 1931)
dettu Paoli di Taglio
sò publicate cù l'accunsentu
di Ghjuvanna Maria Paoli
di Daria Maria, nata Polidori,
veduva di Ghjuvan Petru Paoli,
di l'eredi di Petru Ghjuvanni Raffalli
è Laudanghjula nata Paoli,
è di l'eredi di Petru Paulu è Michele Paoli.
L'illustrazione di
"À a corsica chì pienghje i so figlioli"
hè opera di Petru Ghjuvanni Guidicelli
purfigliulinu di u puetu.
PAOLI di TAGLIO
Puesie
NOZZE E DOLI
Opera di l'autore di :
"Rise e Pianti"
"Fiori e Spine"
Amicu lettore,
E per tè ch'aghju cumpostu stu libricciolu, in versi corsi, perchè a l'ore perse di a to vita tu ti posse diverte, ne e serate longhe di l'invernu a u fucone, circondatu di to' megliu amici, o puru a l'ombra di u castagnu nu i gran' calori di l'estate. E a lingua corsa !
Caru lettore, è a voce di a to' mamma quand'ella ti cantava n'è i to' primi ghiorni, è quella voce chì t'insegnava a strada diritta di a vita e guidava i to' passi indecisi. Speru chì u mio travagliu ùn sarà indernu e ch'ellu t'imparerà a amà più forte u to' paese, a Corsica. Credu chì tu serai indulgente e acceterai u pocu datu di core.
L'autore
UN PROSSIMU MATRIMONIU
L'Amicizia
A a Corsica
T' annunziu un bon' matrimoniu,
La nutizia è più che seria,
Saperai chì Miseria
Si marita cun Bisognu ;
Tutt'è fattu e stabilitu,
Ci sarà un famosu invitu.
Hanu tuttu calculatu,
È già fatta l'amicizia.
La jurnata fù prupizia,
Tuttu fù ben cumbinatu,
Nun mancava parentia,
Appitittu e Caristia.
Ci era Maria Dicetta
Chi servia l'invitati,
A la ...
|
|
|
|
|
|
|
|
|
Go to begin of the document
Go to previous page
Go to next page
Go to the end of document
