Title: UN BLEC DI VITE CHE NO PÒ TORNÂ

Author:PERESSOTTI PAOLINI RINA
Subject:POETRY
Source:
Download book:
Words Statistic:words statics
 

Number of words for page:
Rina Peressotti Paolini

Un blec di vite che no pò tornâ


.o0o.


A mi torne tal cjâf
simpri plui spes,
il timp passât
de nestre verde etât
e mi strussii pensant;
ma se no vevin nie,
ma propit nie di nie,
cemût chei timps
tal cûr sono restâts?
Prime di cene
cori jù tal riul a lavâ i pîts,
suiâsi tun grimâl
e vie a pît net
sui çufs de arbute verde.
Cenâ di corse,
un ûf, polente e lat
e fûr a cjapâ lusignis
pai cjamps,
cjalalis e tornalis a molâ.
Pò, vicin il spolert,
la lastre in bore
ch'al sclopetave il fûc,
a scosolâ fasui,
o specolâ la blave
pes gjalinis;
stussigâsi sot vie
e ridi par un nie.
E cuant che si colave
plens di sium
cjoli il lampion
e a sachemule,
i piçui sore i grancj
inviâsi sù.
Fâsi il segno de Crôs,
une preiere,
e sprofondâsi dentri
tal stramaç di scartòs
che cricavin
sglonfâts e tirâts su,
sui linzui
che nulivin di lissie
e svolâ vie lontan,
su lis alis dal sium
viars il doman.
Utubar 1985


...
Page: 1
 

Help

  • Select one or more words an get availables translation in Logos Dictionary.
  • Set the number of words for each page an refresh the content.
  • Go to begin of the document
  • Go to previous page
  • Go to next page
  • Go to the end of document
  • Libri.it

    CIOPILOPI DICEMBRE 2023 – DALL’ARACNOFOBIA ALL’ARACNOFILIACHI VUOL ESSERE MIO AMICO?SCHIAPPETTA È MOLTO SENSIBILEBIANCO E NERO
  • Libri.it
  • Treccani