Luigi Cazzetta
Ai giardinett
*-*-*-*-*-*-*-*-*-*-*-*-*-*-*
Settaa su ona banchetta ai giardinett,
hoo desmettuu de legg per on moment,
in del vedè andà in là tutt lù on vegètt
a spass cont el nevod, ruzand a stent
on carrozzin! E mi ghe sont staa attent.
Con quij sò gamb piegaa e coi gambett
in alt del fiolettin ai quatter vent,
formaven tutt insema on bel quadrett.
El vècc el se poggiava al carrozzin
che el se moveva sott ai man tremant...
e denter el ballava el borlòttin.
Intant che se ne andaven senza trùscia
vedevi che rideven e ogni tant...
perdeven tucc e duu la soa baùscia.
...
|
|
|
|
|
|
|
|
|
Go to begin of the document
Go to previous page
Go to next page
Go to the end of document
