Giuseppe Parini
In morte di Domenico Balestrieri
*********************************
Sta flùtta milanesa, on gran pezz fa,
l'era del Magg, e poeu la capitè
a duu o trii d'olter, ma de quij che sa
sonà ona flutta cont el sò perchè.
Lor poeu morinn, e questa la restè
a Meneghin, ch'el l'ha savuda fà
rid e fà piang con tanta grazia, chè
l'è ben difficil de podell rivà.
Anca lu, pien de meret e de lod,
adess l'è mort; e quell bravo istrument
l'è restaa là in cà soa taccaa su a on ciod.
Ragazz del temp d'adess, tropp insolent,
lassell stà in doe l'è!... No ve fee god!
Chè, per sonall, no basta a boffagh dent!
...
|
|
|
|
|
|
|
|
|
Go to begin of the document
Go to previous page
Go to next page
Go to the end of document
