Franca Brambilla
Basitt
********
Pondaa ai radis,
on fil d'erba a fior di laver,
i oeucc tobis,
scolti ona musica
che la me fa sentì
la voeuja d'ona vita
che hoo mai vivuu.
Gh'è denter on motiv
tener, dolz, ch'el se ripett
'me 'l vers d'el rossignoeu:
l'è primavera.
In l'aria leggera
gh'è sentor
de ciccioritt,
e mì desfi-foeura
el mè cavagnoeu
pien de basitt.
Basitt
a la francesa,
s'giss,
s'ciasser...
Je vendi
in cambi
de caress...
Ma se te rivet tì
te doo el cavagnoeu complett,
tutt per tì:
e per fatt vedè
ch'hinn tucc sincér
ghe gionti el mè coeur
che l'è matt per tì,
incoeu come ier..
...
|
|
|
|
|
|
|
|
|
Go to begin of the document
Go to previous page
Go to next page
Go to the end of document
