Sandro Bajini
El pomm
**************
In d'on canton de l'Eden,
on poo foeura de man, quasi in castigh,
gh'è la Eva sott a on figh
cont ona pìva che la finiss pù.
Tutt in d'on tratt la vos del Scior Lù
la sbragia:"O vacca troia,
's'te gh'hee de mett giò el mus?
Te gh'hee i naranz, i figh, el tò disnà,
per tutt el santo dì nagott de fà,
l'aria l'è remondìna, el post l'è bell,
e per l'onesto svago
gh'è l'Adamo lì pront con tant d'usell!..."
L'Eva la tas on poo, la se nascond
e poeu la ghe rispond:
"Mi voeuri on alter omm".
La gh'ha de vess questa la storia del pomm
...
|
|
|
|
|
|
|
|
|
Go to begin of the document
Go to previous page
Go to next page
Go to the end of document
