VITTORIO BUTERA
'E DUE GATTE
Ve cuntu ca 'na vota
Cc'era 'nna vecchiarella
Ch'avia 'nna gattarella
Bella, ma menza ciota.
De solitu 'ssa povara patruna
Se l'annacava 'nsinu e, cchianu chianu,
Ciumannu a 'nna putruna,
Le lisciava ru pilu ccu ra manu.
Ma 'na sira d'aprile, 'a lazzaruna,
Tutt'a 'nna bbotta, le sprittau dde manu
E, pprima mu chill'autra si nn'adduna,
Si nne sagliu dde curza a ru vignanu,
Ppe' ggiula de se fare de luntanu
Due chiacchiere amuruse ccu ra luna.
'A notte chi de 'ncantu paria ffatta
Tantu de stille lucite era ffitta,
Lla' ssupra avia cchiamata 'n'autra gatta,
Ch'aviennu troppi sordi, eradi affritta,
De suonni, de canzuni e mmiludie,
De lune quinte e ssimili ciutie.
Miulija tu, miulija iu, suspira,
Discurri, vota, gira,
Finiu ca doppu mancu 'na menz'ura,
Cidiennu a ru 'ncantisimu de l'ura,
Chire due gattarelle se livaru
Ssupra i piedi d'arrieti e ss'abbrazzaru,
Core ccu core, forte, forte, forte,
E nn'amicizzia stritta se juraru
Fin'a ra morte.
Ma ficero dde cchiu'. Cumu si ad anni
S'eranu canusciute,
'E gattarelle mie, 'ntennarisciute,
Ficeru ru sanciuanni. Iu criju ca 'ntramente
Te campa la patruna,
Cumma', 'un t'accurre nnente Le disse ra riccuna.
Ma s'hai bisuognu 'nchjana
A 'ssa turra suprana,
Ca' iu ppe' ttie cce sugnu
E 'nzo cchi bbue te dugne. 'Ud'eradi passata
Ancore 'na simana
Quannu, tutt'a 'nna bbotta, 'na campana
Sunaudi 'na spirata:
Muriu ra vecchiarella
E cchira gattarella
Ristau mmienzu 'na strata.
Cumu sapiti, i gatti,
Praticannu ccu ll'uomini,
'Ngrati se sunnu fatti.
Eccu ppecchi', cianciuta 'na mullica
Chira patruna morta,
Disse ra ciota: - All'urtimu
A mmie cchi mmi nne 'mporta?
Ppe 'mmie cc'e' cchir'amica
Chi m'apire ...
|
|
|
|
|
|
|
|
|
Go to begin of the document
Go to previous page
Go to next page
Go to the end of document
