Corradino Cima
Minestron
***************
Mazzini el mètt el broeud. Vittori el ris.
Cavour i verz. Napoleon i fasoeu.
Pio nono i codegh...(ma l'è lì indecïs).
Rattazzi e i moderaa: sèller e ajoeu.
Pever e saa el Guerrazzi coi sò amïs.
Caròttol, i giornai, compagn de incoeu.
La pestada de lard...le mètt Giulaj
e Garibaldi el foeugh per cusinai.
Ma qui partii lifròcch ch'hin semper sòtt,
in tutt'i temp, a rebeccass tra lor,
prima ancamò che 'l Minestron 'l sia còtt,
col tira e mmòlla e fà deel bell'umor,
ris'cen de mandà tutt a rebellòtt
col stravaccà el caldâr, sti poer tambor,
con tutt el bon che i Omen de giudizzi
gh'hann casciaa dent con tanti sacrifizzi.
...
|
|
|
|
|
|
|
|
|
Go to begin of the document
Go to previous page
Go to next page
Go to the end of document
