Enrico Bertazzi
Ona canzon...ona vita
*********************
L'era la mia
una canzon
libera in l'aria
'me on aquilon,
l'andava col vent
sora i montagn
de ròccia in ròccia
fin sul giazzee...
Poeu sora i praa
fresch de rosada
libera in l'aria
come on parpaj
e pussee in là,
in riva al mar...
Ona canzon di marinar.
................
Dess vardi el ciel
ch'el se scuriss,
nivol tutt negher
corren, se incrosen,
poeu se scavalchen,
pioeuven giò in terra,
'na terra succia,
acqua a seggion.
E la tempesta,
la picca sui veder..,
Vardi i lusnad
che squarcen el ciel
prima del tron...
La mia canzon
el mè aquilon?
Frecc in di òss...
Fenii tuscòss!
...
|
|
|
|
|
|
|
|
|
Go to begin of the document
Go to previous page
Go to next page
Go to the end of document
