Attilio Boggiali
On belee
*******************
Me disen che la Laura piscinìnna
la gh'ha on faccin de pomm, 'penna cattaa
e i oeucc che guarden grand, hinn spalancaa
appena el ciar lusiss su la cestinna.
I dò oreggett, taccaa al bel crapin
paren foiètt legger e tenerej
e ghe n'è minga d'alter pussee bej.
La bocca l'è domà propi on bocchin;
el nas, on bigiòrin; on stràfusari
on ballin, sotta i archett di sopracilli,
bej anca lor, per picca e per pontìlli.
In 'sto compless inscì straordinari,
on pugn de cavellitt faa sù a muccett,
fann de cornis, a 'sto gran bell quadrett.
...
|
|
|
|
|
|
|
|
|
Go to begin of the document
Go to previous page
Go to next page
Go to the end of document
