Marco Candiani
On fior al moment giust
************************
La scrizza la geretta di vialett,
Lumitt,
on strasc,
i zoffranej de legn.
I fior
color
profumm
rimòrs on tant al mazz.
E l'era assee domà
'na margherita
cattada pròpi lì
foeura de cà
ma regalada inscì
de bòna cera
insemma a ona paròla de quej giust.
E cambiom l'acqua dent in di vaschett
e lustrom i ritratt cont i basitt
che pòggiom con la ponta de duu did.
La scrizza la geretta sòtt i pee...
vemm via col coo bass,
se girom dò, trè vòlt
segn de la Cros
basin
magari on ciao
e buttom i fior vecc in d'on bidon.
...
|
|
|
|
|
|
|
|
|
Go to begin of the document
Go to previous page
Go to next page
Go to the end of document
