Letra: Félix Fernández
Rosa
------------------------------------------------------------------------------Hetáma Rosa che ahecháva
ko yvy ári ajurire
ha ndajuhuvái ndéicha iporãva
che sy nde rosa ne porãve.
Ku rosa francia omimbipáva
ñande rokára tombojere,
mainumbykuéra oñuambéva
ijysapýre toperere.
Panambikuéra toike ikuápe.
ha ijeirami toipyte,
ha ahecháva nde reimehápe
che sy nde Rosa ne porãve.
Maymárõ Rosa nde rayhupápe,
hyakuãnguekuéra péina ome'ê,
ha che vy'águi tory rupápe
nde réra Rosa amoñe'ê.
Che sy nde Rosa ne porãmbáva
Rosa voi la nde rekove,
ymi che pópe che romboy'úva
ani ipiru anga nde rogue.
Hypárõ ku ñande ykuápe
ha nde pirúta che sy porã,
añembo'éne amo yvape
tanemboy'u upépe Tupã.
...
|
|
|
|
|
|
|
|
|
Go to begin of the document
Go to previous page
Go to next page
Go to the end of document
