Title: 'A MADONNA D'E MANDARINE

Author:RUSSO FERDINANDO
Subject:POETRY
Source:
Download book:
Words Statistic:words statics
 

Number of words for page:
Ferdinando Russo

'A MADONNA D''E MANDARINE





Quanno ncielo n'angiulillo
nun fa chello c' ha da fa',
'o Signore int' a na cella
scura scura 'o fa nzerrà.

Po' se vota a n' ato e dice:
--Fa venì San Pietro ccà!
E San Pietro cumparisce:
--Neh, Signò, che nuvita?

--Dint''a cella scura scura
n' angiulillo sta nzerrato:
miettammillo a pane e acqua
pecché ha fatto nu peccato!

E San Pietro acala 'a capa
E risponne:--Sissignore!
Dice Dio:--Ma statt' attiento
ch' ha da sta' vintiquatt' ore!

L' angiulillo, da llà dinto,
fa sentì tanta lamiente...
Meh, Signò, dice San Petro,
pe' sta vota...nun fa niente...

Nonzignore! Accussì voglio!
Statte zitto! Dice Dio;
si no ognuno se ne piglia!
'Nparaviso cumann' io!

E San pietro avota 'e spalle:
Da la cella scura scura
L' angiulillo chiagne e sbatte,
dice 'e metterse paura!

Ma 'a Madonna, quanno ognuno
sta durmenno a suonne chine,
annascuso 'e tuttequante
va e lle porta 'e mandarine.


...
Page: 1
 

Help

  • Select one or more words an get availables translation in Logos Dictionary.
  • Set the number of words for each page an refresh the content.
  • Go to begin of the document
  • Go to previous page
  • Go to next page
  • Go to the end of document
  • Libri.it

    PAPÀ HA PERSO LA TESTALINETTE – COMPAGNO DI GIARDINOLILLI E MOSTROPUPAZZOLO 2DINO PARK vol. 2
  • Libri.it
  • Treccani