Valerio Zambon
Mie Ani
ooo000ooo
Basan, Mie ani pasai
tuti, ben portai,
da tanti desmentegai.
Sventure, paure, guere, gioie e doeori
pasai - ormai i xe pasai.
Visto da fora
e a sta ora
pasae xe 15 generazion
gnanca pararia,
sempre zòvane, sempre bela
sta citàdela.
De tanto rinomà
de Graspa 'la vien ciamà.
Par tradizion
accogliente par tanta zente,
zente insembrada,
contadina nasùa
de arte vegnua,
bona de core
viva col lavoro
de man e de testa.
Fortunada de comunicasion
da sora la Valsugana
da soto de mar visìna.
Tinte, coeori, profumi,
se vede e se sente
par de quà e par de là del Brenta.
Montagne, coìne, pianura
tuto ghe zé
no' manca gnente.
Par gustar l'ocio
e par la delissia del palà
spunta da fora tera
olive verdi
sparasi bianchi
sarese rosse
el Tricolore l'é formà.
Mie e Mie e Mie
Ani ancora
perché no' l'è ancora vegnua
a sò ora.
...
|
|
|
|
|
|