Al dialàtt
(Pastràn)
Dîr che al dialàtt l é môrt, l'é una biastamma!
E quî ch'i al vrénn suplîr i én di asasén!
La längua ed "Balanzån" e "Fasulén"
l é giósst ch'la tîra drétt fén ch'dûra Råmma.
Tgnän só al nòster dialàtt e, sänza tamma,
lasän ch'i s n inpusèsn anc i pió cén:
ai é un pôc ed franzais e un pô d latén,
e un pôc ed st itagliàn: la lingua mamma! (2)
L é stièt e al dà calåur come cal vén
ch'as pôl utgnîr da un'òtima vindamma:
parché l à al dåulz, al bróssc... e l frizantén.
Par dîrla in pôchi rîg, mé a päns, insåmma,
ch'al srêv un gran bèl quèl se sti fangén
biaséssen pió dialàtt... e manca gåmma.
(2) Anc qué bisåggna pròpi ch'a faggna una nòta: al bulgnais e tótt i èter dialétt e langv minoritèri d uréggin laténna i n én brîsa di prudótt munchén dl'itagliàn, mo di cusén con na stòria e un'evoluziån difaränta.
...
|
|
|
|
|
|