Cunplimént d un'anvåuda ala nòna
Quant êni? Utanta?
On d pió? Brèva, evîva!
I én trûp? Côsa cånta?!
bendàtt chi i arîva!
Quand ónna é in sverzûra,
cómm té t î stasîra,
ah, lâsa ch'la dûra!
acsé s vîv vluntîra!
Che fâza, t è, nòna!
l'é bèla, l'é frassca...
La mî?! Ah, stá bôna!
la m pèr... una rassca!
Se in tèsta t î bianca,
se un pôc t è la gòba,
qué adès an i manca
per té la tô ròba...
Só crûvet la tèsta,
mî bèla vciarlénna:
col siâl dala fèsta,
t am pèr na zuvnénna!
La "brótta vciarlâza",
dît té, a sån mé...
mo té, cun cla fâza!
l'anvåuda t i té!
...
|
|
|
|
|
|
|
|
|
Go to begin of the document
Go to previous page
Go to next page
Go to the end of document
