Carlo Porta
El sarà vera fors quell ch'el dis lu
*-*-*-*-*-*-*-*-*-*-*-*-*-*-*-*-*-*-*
El sarà vera fors quell ch'el dis lu,
che Milan l'è on paes che mett ingossa,
che l'aria l'è malsana, umeda, grossa,
e che nun Milanes semm turlurù.
Impunemanch però el mè sur Monsù
hin tredes ann che osservi d'ona cossa,
che quand lor sciori pienten chì in sta fossa
quij benedetti verz no i spienten pù.
Per ressolv alla mej sta question,
Monsù ch'el scusa, ma no poss de men
che pregall a adattass a on paragon.
On asen mantegnuu semper de stobbia,
s'el riva a mangià biava e fava e fen
el tira giò scalzad fina in la grobbia.
...
|
|
|
|
|
|
|
|
|
Go to begin of the document
Go to previous page
Go to next page
Go to the end of document
