Alvaro Casartelli
La dòna (inferno)
********************
On omm, per quanto maduraa che 'l sia,
el gh'ha on quaicossorina a tutt'i or
de imprend, in general, senza magìa,
da l'esperienza d'ona dòna in fior.
La bagna el nas, su tutt, a chi se sìa;
l'è poeu sveltòna in l'arte de l'amor;
la dà 'l rosòli, ma de spess la pìa;
la tira on s'giaff che 'l brusa e fa dolor;
la spong con la dotrina del folètt,
e, dopo avè confus i sfer de l'omm
che 'l ghe prepara el tècc e 'l scoldalètt,
l'è semper l'Eva del mistero eterno
per rocolà baloss e galantomm
con la malizia e i corna de l'infèrno.
...
|
|
|
|
|
|
|
|
|
Go to begin of the document
Go to previous page
Go to next page
Go to the end of document
