Alvaro Casartelli
Brianza
**********
Giardin de Lombardia, a colinett,
dove sospira l'aria de montagna,
dove la rid l'acqueta di laghett,
in pas, col bon profumm de la campagna,
che l'impieniss de grazi la cavagna.
Rid el smerald di praa cont i boschett,
(che 'l Lamber bell adasi adasi el bagna),
cont i giarditt basaa dai sò vialett.
Come canzon che la se perd sul mar,
canta lontan la vos di sò telar;
lusiss i oeucc e tas el coeur content
con l'aria bonasciona de la gent:
e sta Brianza bella e generosa
la derva i brasc col coeur de bòna sposa.
...
|
|
|
|
|
|
|
|
|
Go to begin of the document
Go to previous page
Go to next page
Go to the end of document
